6.1. Informe TAW

O informe TAW mostra a páxina orixinal analizada coas seguintes iconas intercaladas na posición onde se detecta un problema de accesibilidade.

Estas iconas representan os 3 niveis de prioridade, do seguinte xeito:

Vermello. Nivel de prioridade 1 como texto alternativo aparece, "1. automático".
Laranxa. Nivel de prioridade 2 como texto alternativo aparece, "2. automático".
Verde. Nivel de prioridade 3 como texto alternativo aparece, "3. automático".

Cada un deles representa problemas de accesibilidade de tipo automático.

Así mesmo poden aparecer as iconas co texto alternativo "1. manual", co texto alternativo "2. manual" , co texto alternativo "3. manual". O nivel de prioridade é o mesmo mais precisa ser validado pola persoa avaliadora.

Para as comprobacións de usuario utilizaranse de forma equivalente as iconas co texto alternativo "Usuario. automático" para os problemas automáticos e co texto alternativo "Usuario. manual" para os problemas manuais.

Ademais no informe inclúese unha listaxe cos problemas de accesibilidade atopados . Esta listaxe pode configurarse en función das seguintes opcións:

Captura da ventá de configuración de informes

Mostrar páxina analizada: se está seleccionado mostra no informe a páxina orixinal coas iconas intercaladas na posición onde se produce un problema de accesibilidade.
Extensión da listaxe:
- Informe completo: mostra todos os problemas, agrupados por tipo, indicando o número de liña e a súa etiqueta HTML.
- Informe reducido: mostra os 5 primeiros problemas de cada tipo, co número de liña onde se atopan e a etiqueta HTML.
- Só números de liña: mostra unicamente os números de liña, agrupados por tipo, onde se atoparon problemas na análise.