Para axudar na revisión da páxina disponse da opción comprobación visual. Ó executar esta opción lanzarase un novo navegador web no que se mostra a páxina analizada coas seguintes modificacións:
- Insírese unha cabeceira co punto de verificación, os elementos que se van resaltar, qué ten que comprobar a persoa avaliadora e o número de elementos resaltados.
- Sobre a páxina resáltanse os elementos utilizando unha cor de fondo distintiva e aplicando unha borda ó seu contorno.
- Para os elementos resaltados móstrase o nome da etiqueta cos atributos relacionados a esa comprobación. Ex: Na validación dos textos alternativos de imaxes mostraranse os atributos alt e longdesc.
Para mostrar a comprobación visual, acceder á opción Comprobación visual do menú contextual dos puntos de verificación.
Para realizar a comprobación visual sobre puntos de verificación que TAW considera válidos ou non aplicables pódese acceder dende a opción Táboa de verificación , existente no menú Revisión.