4.2. Detalle resultados

As pestanas prioridade conteñen un informe detallado dos problemas atopados. Cada unha das pestanas mostra unha táboa de nodos despregables que agrupa os problemas unha mesma prioridade (1,2,3). Unha táboa de nodos despregables é aquela na que existe unha columna que permite expandir o seu contido como novas ringleiras na táboa.

1. Nodo prioridade. 2.Nodo punto de verificación. 3. Nodo comprobación. 4. Nodo problema. 5. Código fonte da páxina analizada.

Os diferentes nodos existentes, en orde de profundidade, son:

• Nodo prioridade: Neste nivel contabilízase o número total de problemas, tanto automáticos como manuais, atopados para a prioridade correspondente.
  • Columna Automático: Número de problemas automáticos.
  • Columna Manual: Número de problemas manuais.
  • Columna Verificación: Url da páxina á que pertence o informe de problemas.
• Nodo punto de verificación: para os que se detectaron problemas. As columnas automático e manual de un nodo punto de verificación contabilizarán o total de problemas atopados para ese punto de verificación (a suma dos problemas de todos os puntos de verificación é o total mostrado polo nodo prioridade).
  • Columna Automático: Número de problemas automáticos.
  • Columna Manual: Número de problemas manuais.
  • Columna Verificación: Texto correspondiente a ese punto de verificación.
• Nodo comprobación. A diferenza dos puntos de verificación que poden conter tanto problemas automáticos como manuais, unha comprobación contén problemas de un único tipo, automático ou manual. Se contabiliza o número de problemas asociados nas columnas automático e manual, e a outra columna permanece baleira.
  • Columna Automático: Se a comprobación é de tipo automático o número de problemas automáticos.
  • Columna Manual: Se a comprobación é de tipo manual o número de problemas manuais.
  • Columna Verificación: Información sobre a causa do problema en caso de ser de tipo automático. Se a comprobación é de tipo manual, informa sobre qué debería comprobar a persoa avaliadora para determinar se os ditos problemas incumpren ou non o punto de verificación.
• Nodo problema. Cada nodo problema representa unha etiqueta html que provoca un erro de accesibilidade se pertence a unha comprobación automática, ou que ten que verificar a persoa avaliadora se pertence a unha comprobación manual.
  • Columna Automático: Baleiro.
  • Columna Manual: Baleiro.
  • Columna Verificación: Etiqueta html e o número de liña onde comeza.

Debaixo da táboa prioridade móstrase o código fonte da páxina seleccionada na táboa resumo. Cada vez que se seleccione un nodo problema o código fonte posiciónase sobre a liña na que se produce o erro e resalta a etiqueta.