3.2. Configuración de pautas
A configuración de pautas permite seleccionar qué puntos de verificación serán comprobados ó realizar a análise das páxinas.
Na parte superior da ventá existen 4 selectores.
- Os tres primeros A , AA , AAA , están asociados ós tres niveis predeterminados de análise que se corresponden cos niveis de accesibilidade A, dobre A e tripla A definidos por WAI .
- O cuarto, Personalizado , permítenos seleccionar, individualmente, qué puntos de verificación se comprobarán nas análises.
Os diferentes puntos de verificación están agrupados por prioridade en diferentes pestanas, unha por cada prioridade predeterminada e unha pestana adicional que conterá todas aquelas comprobacións creadas polo usuario. Sobre cada unha das pestanas existe un menú contextual que nos permite seleccionar ou deseleccionar todos os puntos de verificación pertencentes á prioridade na que nos atopemos.
Unha vez creada unha configuración personalizada pode gardarse nun arquivo e posteriormente recuperarse permitindo dispoñer dun repositorio de análises predefinidas.
Acceder á ventá de configuración mediante a opción de menú Pautas... ou o botón 
Pautas do analizador.
Comprobacións de usuario
Ademais das Pautas de Accesibilidade do Contido Web 1.0 ( WCAG 1.0) pódense definir comprobacións personalizadas que complementen as ditas pautas. Unha comprobación de usuario ou personalizada componse dunha cadea de busca (expresión regular) que se aplica a unha ou máis etiquetas HTML.
- Para crear unha comprobación de usuario pulsar sobre o botón Novo.
- A continuación selecciónase a etiqueta ou etiquetas afectadas (para realizar unha selección múltiple manter pulsado o botón Control).
- Despois seleccionar o tipo de problema entre automático, manual. Introducir a Expresión regular de búsqueda, ou pulsar sobre o botón Asistente para acceder a un axudante que a creará automaticamente dende uns parámetros predefinidos.
- Indicar no campo Descrición un comentario breve do problema e en Axuda pódese explicar porqué se produce ese problema e cómo se pode solucionar.
- Por último pulsar sobre o botón aplicar ou aceptar para gardar os cambios, no primeiro caso mantense aberta a ventá de comprobacións e no segundo caso, unha vez gardados os cambios, péchase a ventá. Se se desexa desbotar os cambios utilizar o botón cancelar.
Para eliminar unha comprobación debe seleccionarse cal é no menú despregable Comprobacións e pulsar sobre o botón Eliminar .
Para modificar unha comprobación de usuario seleccionar a comprobación a modificar no menú de Comprobacións. Unha vez seleccionada introducir os novos valores nos campos. Para manter os cambios pulsar sobre o botón Aceptar ou Aplicar e se se desexan anular os cambios, pulsar sobre o botón Cancelar .
Creación dunha expresión regular dende o asistente
O asistente permite crear expresións regulares básicas a partir dos seguintes datos:
- Seleccionar se queremos comprobar a existencia ou non dun determinado atributo. No primeiro caso, opción Debe existir, producirase un problema de accesibilidade se non existe o dito atributo nas etiquetas seleccionadas anteriormente, no segundo caso, opción Non debe existir, detectarase un problema de accesibilidade se existe o dito atributo.
- A continuación escribir en Nome o nome do atributo.
- Se se require un determinado valor para o atributo, activar Buscar par e indicar o valor requirido en Valor.
- Unha vez introducidos todos os datos pulsar o botón Aceptar para xerar a expresión regular ou o botón Cancelar para volver á ventá de comprobacións de usuario sen xerar a expresión regular.
