3.1. Ámbito da análise

O ámbito da análise contrólase coas dúas primeiras ringleiras de compoñentes existentes no analizador.

O ámbito da análise define qué páxinas se van a analizar, para isto:

1. Introdúcese a dirección da páxina inicial da análise no campo URL . Se a páxina é un ficheiro local, entón pódese pulsar sobre o botón situado á súa dereita e acceder a unha ventá de exploración de arquivos. No explorador de arquivos selecciónase o ficheiro a analizar.
2. A continuación indícanse os parámetros de exploración consistentes en: tipoloxía de enlaces, profundidade e número máximo de páxinas.
   • Tipoloxía de enlaces permite seleccionar qué enlaces se procesarán cando se traballa sobre un site, é dicir ,a relación que manteñen entre sí un conxunto de páxinas analizadas. A tipoloxía seleccionarase mediante o compoñente Seguir enlaces e os seus posibles valores son:
     • Non seguir: Non se analiza ningún dos enlaces da páxina inicial, unha análise con este valor realízase unicamente sobre a páxina inicial.
     • Directorio: Analízanse unicamente os enlaces que pertencendo ó mesmo dominio, se atopen no mesmo directorio ou nun subdirectorio do mesmo. Ex: Se a url introducida é www.mi_sitio.es/mi_directorio analizaranse os enlaces que pertenzan ó directorio www.mi_sitio.es/mi_directorio ou a un subdirectorio seu, por exemplo www.mi_sitio.es/mi_directorio/mi_subdirectorio.
     • Dominio: Analízanse todos os enlaces que compartan o mesmo dominio cá url inicial. Se estamos analizando www.mi_sitio.es percorreranse todos aqueles enlaces que comecen por www.mi_sitio.es, descartándose o resto de enlaces atopados.
     • Subdominio: Analízanse aqueles enlaces que compartan o mesmo dominio ou subdominio cá url inicial. Se estamos analizando www.mi_sitio.es percorreranse aqueles enlaces que pertenzan ó dominio (www.mi_sitio.es) ou a algún subdominio (subdominio.mi_sitio.es).
     • Seguir Todos: Poderanse analizar todos os enlaces que se atopen nas páxinas analizadas. Esta opción non é recomendable a non ser que se coñeza o site a analizar e se poida saber a priori a árbore de exploración que seguirá a aplicación.
   • Profundidade: No campo Niveis a seguir limítase o nivel de profundidade da análise a partir da url inicial. Como valor introducirase o número de niveis a analizar. Ex: Co valor 0 analizarase unicamente a páxina introducida en URL, co valor 1 analizaranse a páxina inicial e todas as páxinas enlazadas dende a inicial; co valor 2 procesarase a páxina inicial, as páxinas enlazadas dende a inicial e os enlaces dende estas; co valor 3 analizaranse as páxinas analizadas co valor 2 e ademais as páxinas enlazadas dende o último nivel e así sucesivamente cos posibles valores introducidos.
   • Número máximo de páxinas: Mediante o compoñente Páxinas a analizar indícase o número máximo de páxinas que se analizarán, unha vez chegado a ese número o analizador deterase automaticamente. Se se introduce o valor 0, entón non se limitará o número de páxinas a analizar.
3. Unha vez introducidos valores para os parámetros de análise poderase executar o analizador mediante o botón Analizar.
   

Se non é posible conectarse á páxina inicial a aplicación mostrará un diálogo de aviso.

Durante unha análise multipáxina o resto das páxinas ás que non se poida conectar engadirase a unha listaxe de páxinas non analizadas, que se visualiza dende o botón Páxinas non analizadas ubicado na parte inferior dereita da pestana resumo